საიტზე მიმდინარეობს ტექნიკური სამუშაოები

ნიკო ამირგულაშვილმა ვილნიუსიდან თბილისამდე მსვლელობა დაიწყო

9 ივნისს, საქართველოს საელჩოში გაიმართა ღონისძიება, რომლითაც ლიეტუველმა ქართველმა ნიკო ამირგულაშვილმა დაიწყო მსვლელობა ვილნიუსიდან თბილისამდე. ნიკოს მიერ ინიცირებული პროექტი „Buildin Bridges“ იმართება საქართველოსა და ლიეტუვას შორის არსებული სამაგალითო მეგობრობის და მჭიდრო პარტნიორული ურთიერთობების ხაზგასასმელად. პროექტის ფარგლებში, მიმდინარე წლის ივნის-აგვისტოს, ნიკო ლიეტუვის, პოლონეთის, უკრაინის და შავი ზღვის გავლით ჩავა საქართველოში. ხოლო გზის პირველი მონაკვეთი, ვილნიუსიდან ტრაკაიმდე, მან უკვე მრავალრიცხოვან მეგობრებთან და მხარდამჭერებთან ერთად გაიარა. მსვლელობის დაწყებასთან დაკავშირებით, საქართველოს საელჩოს ეზოში შეკრებილ მის მონაწილეებს სიტყვით მიმართა საქართველოს ელჩმა ლევან ღვაჩლიანმა, ლიეტუვის სეიმის საქართველოსთან მეგობრობის ჯგუფის თავმჯდომარემ ჟიგიმანტას პავილიონისმა და პროექტის ინიციატორმა ნიკო ამირგულაშვილმა. პროექტის მიმდინარეობას შეგიძლიათ თვალი ადევნოთ "Facebook" გვერდის "Niko Amirgulašvili: Hike from Lithuania to Georgia"-ის მეშვეობით. იხ. ბმული: https://www.facebook.com/hikeltugeo/?epa=SEARCH_BOX