საქართველოს საელჩო ლიეტუვის რესპუბლიკაში

ელჩმა ვრცლად ისაუბრა საქართველოს საგარეო პრიორიტეტებსა და არსებულ გამოწვევებზე, ისევე როგორც შიდაპოლიტიკური კუთხით საქართველოში არსებულ ვითარებაზე.

განსაკუთრებული ყურადღება გამახვილდა ევროინტეგრაციის პრიორიტეტებზე, ევროკავშირთან ურთიერთობებში მიღწეული პროგრესისა და შემდგომი გაღრმავების გზებზე. ამ კონტექსტში, ხაზგასმულ იქნა ევროკავშირის კანდიდატი ქვეყნის სტატუსის მისაღებად, ევროკომისიის 12 რეკომენდაციის შესრულების მიმდინარეობა.

ევროპულ საქმეთა კომიტეტის თავმჯდომარემ აღნიშნა, რომ ლიეტუვა ყოველთვის მხარს უჭერდა ქვეყნის ეროვნულ პრიორიტეტებს და იმედი გამოთქვა, რომ საქართველო წარმატებით შეასრულებს ნაკისრ ვალდებულებებს ევროპულ ოჯახში დაბრუნების მიზნით.