გამოფენა რუსეთის ფედერაციის მიერ საქართველოს წინააღმდეგ 2008 წელს განხორციელებული ღია და სრულმასშტაბიანი სამხედრო ინტერვენციის 16 წლისთავთან დაკავშირებით

გამოფენაზე წარმოდგენილია რუსეთის ფედერაციის მიერ, საქართველოს განუყოფელი რეგიონების - აფხაზეთისა და ცხინვალის რეგიონების უკანონო ოკუპაციისა და დევნილთა იძულებითი გადაადგილების პროცესის ამსახველი ფოტომასალა.

გეოპოლიტიკური კვლევების საერთაშორისო ცენტრისა და მეგობრობის ხიდის „ქართლოსი“, აგრეთვე, ფოტოგრაფების - რაიან ჯონ ჯონსისა და მალკოლმ ლინტონის მიერ მომზადებული ნამუშევრები გამოიფინა როგორც მუზეუმის ღია ცისქვეშა სივრცეში, აგრეთვე, შენობაში განთავსებულ №16 საკანში, რომელიც ვიზიტორთა განსაკუთრებული ინტერესის საგანს წარმოადგენს.

ზემოაღნიშნული გამოფენის მონახულების საშუალება დამთვალიერებლებს 2024 წლის 1 სექტემბრამდე ექნებათ.

მისამართი: Aukų g. 2A, Museum of Occupations and Freedom Fights (the former KGB prison).