2025 წლის 9-10 მაისს, ქ. ვილნიუსის საგამოფენო ცენტრმა ,,Litexpo”, უმასპინძლა ალკოჰოლური სასმელების ყოველწლიურ საერთაშორისო გამოფენას ,,Vyno Dienos 2025”, რომელზეც მეღვინეობების ,,შატო ქეთევანი” და ,,ასკანელი” მიერ, წარმოდგენილ იქნა ქართული ღვინოები. ღონისძიების გახსნის ცერემონიაში, მონაწილეობა მიიღო ლიეტუვის რესპუბლიკაში საქართველოს საქმეთა დროებითმა რწმუნებულმა, მიხეილ სულაბერიძემ. აღსანიშნავია, რომ ქართულმა კუთხემ, ტრადიციულად, დამთვალიერებელთა დიდი ინტერესი დაიმსახურა. ღვინის გამოფენას ,,Vyno Dienos”, რომელიც წელს უკვე მე-20 გაიმართა, ყოველწლიურად, მთელი მსოფლიოდან, ათასობით ვიზიტორი სტუმრობს, მათ შორის, დარგის სპეციალისტები, ალკოჰოლური სასმელების მსხვილი მწარმოებლები, სომელიეები, ღვინის ექსპორტიორები და დისტრიბუტორები და სხვ.

2025 წლის 8 მაისს, ლიეტუვაში საქართველოს საქმეთა დროებითი რწმუნებული, მიხეილ სულაბერიძე დაესწრო ლიეტუვის სეიმის პატრონაჟითა და შილუტეს რაიონის მუნიციპალიტეტის ორგანიზებით გამართულ, მე-2 მსოფლიო ომის დასრულების 80 წლისთავისადმი მიძღვნილ ღონისძიებას. ცერემონიაზე, საზოგადოებას, მისასალმებელი სიტყვით მიმართეს ქვეყნის პრეზიდენტმა, გიტანას ნაუსედამ, სეიმის სპიკერმა, საულიუს სკვერნელისმა და სხვა მაღალი რანგის პირებმა.

2025 წლის 17 თებერვალს, ლიეტუვის რესპუბლიკის პრეზიდენტის, გიტანას ნაუსედას მიწვევით, საქართველოს საქმეთა დროებითმა რწმუნებულმა ლიეტუვის რესპუბლიკაში, მიხეილ სულაბერიძემ მონაწილეობა მიიღო ლიეტუვაში აკრედიტებული დიპლომატიური მისიების ხელმძღვანელების ყოველწლიურ შეხვედრაში. ღონისძიებაზე, დამსწრე საზოგადოებას სიტყვით მიმართეს ლიეტუვის პრეზიდენტმა, გიტანას ნაუსედამ, ლიეტუვის საგარეო საქმეთა მინისტრმა, კესტუტის ბუდრისმა და დიპლომატიური კორპუსის დუაიენმა, წმინდა საყდრის ელჩმა ბალტიისპირეთის სახელმწიფოებში, არქიეპისკოპოსმა გეორგ განსვეინმა.

2025 წლის 24-26 იანვარს, ქ. ვილნიუსის საგამოფენო ცენტრმა ,,Litexpo”, უმასპინძლა ტურიზმის რიგით მე-12 საერთაშორისო გამოფენას „Adventur 2025“, რომელშიც საქართველოს საელჩოს ჩართულობითა და ხელშეწყობით, ქართული მხრიდან, მონაწილეობა მიიღეს აჭარის ტურიზმისა და კურორტების დეპარტამენტისა და ტურიზმის ეროვნული ადმინისტრაციის წარმომადგენლებმა.

6 სექტემბერს ლიეტუვის, ქალაქ პლუნგეს ყვარელის მინიციპალიტეტის წარმომადგენლები ესტუმრნენ; ვიზიტი პლუნგესა და ყვარელის თანამშრომლობისა და პროექტის- „მოთანამშრომლე ყვარელი: ძლიერი კავშირების ჩამოყალიბება საჯარო, კერძო და არასამთავრობო სექტორებს შორის“ დასკვნითი ფორუმის ფარგლებში გაიმართა.

ლიეტუვის რესპუბლიკაში საქართველოს საელჩოს ორგანიზებით, ვილნიუსის ოკუპაციისა და თავისუფლებისთვის ბრძოლის მუზეუმში, რუსეთის ფედერაციის მიერ საქართველოს წინააღმდეგ 2008 წელს განხორციელებული ღია და სრულმასშტაბიანი სამხედრო ინტერვენციის 16 წლისთავთან დაკავშირებით ფოტოგამოფენა მოეწყო.

გაცნობებთ, რომ 1 ივლისიდან ლიეტუვის რესპუბლიკაში საქართველოს საელჩო გადადის ახალ მისამართზე: J. Jasinskio g. 14, LT-01112 Vilnius.

15 აპრილს, საქართველოს საელჩოს ორგანიზებითა და ვილნიუსის უნივერსიტეტის ფილოლოგიის ფაკულტეტის მხარდაჭერით გაიმართა დედაენის დღისადმი მიძღვნილი ღონისძიება: „საქართველოს მეგობართა კრება - მრგვალი მაგიდის დისკუსია დედაენის დღესთან დაკავშირებით“.

20-21 მარტს, ლიეტუვაში საქართველოს საელჩოს ინიციატივით საქართველოს ეროვნული ბიბლიოთეკის დირექტორის, კონსტანტინე გამსახურდიას სამუშაო ვიზიტი გაიმართა, რომლის ფარგლებშიც შეხვედრები ლიეტუვის ეროვნულ ბიბლიოთეკაში, ვილნიუსის უნივერსიტეტში, ლიეტუვის სახელმწიფო არქივსა და ლიეტუვის ისტორიის ინსტიტუტში გაიმართა.

18 მარტს, ლიეტუვის მარტინას მაჟვიდასის სახელობის ეროვნულ ბიბლიოთეკაში გაიმართა თბილისის “იდიშური კვარტეტის” კონცერტი.

6 მარტს, საქართველოს ელჩმა სალომე შაფაქიძემ შეხვედრა გამართა ლიეტუვის მიკოლას რომერის უნივერსიტეტის რექტორთან, პროფ. ინგა ჟალენიენესთან.

ლიეტუვაში აკრედიტირებული ელჩებისთვის გამართული ყოველწლიური შეხვედრა ლიეტუვის პრეზიდენტის სასხლეში